កម្មវិធីគ្រប់គ្រងការថែទាំ 

​សម្រាប់​សមាជិកដែលមានស្ថានភាពសុខភាពស្រួចស្រាវ រ៉ាំរ៉ៃ ឬ​ស្មុគស្មាញ កម្មវិធីគ្រប់គ្រងការថែទាំរបស់ Fallon Health អាច​ជួយ​អ្នកឱ្យបង្កើនគុណភាពជីវិត និងសុខភាពរបស់អ្នក។ កម្មវិធីទាំងនេះគឺមិនគិតថ្លៃទេ ហើយអ្នកអាចជ្រើសរើសចូលរួម ឬ​មិនចូលរួមនៅពេលណាក៏បាន - វានឹងមិនប៉ះពាល់ដល់​អត្ថប្រយោជន៍របស់អ្នកទេ។

តើអ្វីទៅជាស្ថានភាពសុខភាពស្រួចស្រាវ រ៉ាំរ៉ៃ និងស្មុគស្មាញ? 

ស្ថានភាពសុខភាពស្រួចស្រាវគឺជាស្ថានភាពរយៈពេលខ្លី។ វាកើតឡើងភ្លាមៗ ហើយមិនស្ថិតស្ថេរយូរទេ (ពីរបីថ្ងៃទៅច្រើនសប្តាហ៍)។ ឧទាហរណ៍រួមមាន ជំងឺផ្តាសាយ វីរុស ការឆ្លងមេរោគ ឬរបួស។ 

ស្ថានភាពសុខភាពរ៉ាំរ៉ៃវិវត្តបន្តិចម្តងៗ មានរយៈពេលច្រើនខែ ឬច្រើនឆ្នាំ ហើយអាចកាន់តែធ្ងន់ធ្ងរទៅៗតាមពេលវេលា។ ឧទាហរណ៍រួមមាន ជំងឺហឺត ជំងឺបេះដូង ជំងឺខ្សោយបេះដូង ជំងឺស្ទះសួតរ៉ាំរ៉ៃ និងជំងឺទឹកនោមផ្អែម។

ស្ថានភាពសុខភាពស្មុគស្មាញមានស្ថានភាពសុខភាពច្រើនជាង 1 - រ៉ាំរ៉ៃ និង/ឬស្រួចស្រាវ - និងត្រូវការការថែទាំ ឬ​អ្នកផ្តល់សេវា​ថែទាំ​ច្រើន​ប្រភេទ។  

សម្រាប់សមាជិកដែលមានស្ថានភាពសុខភាពស្រួចស្រាវ

  • ការគ្រប់គ្រងករណីត្រូវបានផ្តល់ជូនដោយក្រុមអ្នកគ្រប់គ្រងករណីថែទាំដែលបានចុះបញ្ជី និង/ឬបុគ្គលិកសង្គមកិច្ចរបស់យើង ដែល​នឹង​បង្រៀន​អ្នកអំពីស្ថានភាពរបស់អ្នក និងធ្វើការជាមួយ​អ្នកផ្តល់សេវា​សុខភាពផ្នែកវេជ្ជសាស្រ្ត និងអាកប្បកិរិយារបស់អ្នក ដើម្បី​ធានាថា​អ្នកកំពុងទទួលបានសេវាកម្មដែលអ្នកត្រូវការ។ 
  • ការសម្របសម្រួលការថែទាំត្រូវបានផ្តល់ជូនដោយក្រុមអ្នក​ស្រមសម្រួលរបស់យើង ដែលនឹងបង្រៀនអ្នកអំពី​អត្ថប្រយោជន៍​គម្រោងសុខភាពរបស់អ្នក និងជួយអ្នកស្វែងរកធនធានសហគមន៍ ដូចជាមធ្យោបាយធ្វើដំណើរ និង​អត្ថប្រយោជន៍ផ្សេងទៀត​ដែល​មាន​នៅ​ក្នុងគម្រោងរបស់អ្នក។ 
  • ការគ្រប់គ្រងការថែទាំសង្គមត្រូវបានផ្តល់ជូនដោយក្រុមអ្នកគ្រប់គ្រងការថែទាំសង្គមរបស់យើង ដែលនឹងធ្វើការជាមួយអ្នក​ដើម្បីស្វែងរក​ធនធាន និងជំនួយដែលអ្នកត្រូវការ។

សម្រាប់សមាជិកដែលមានស្ថានភាពសុខភាពរ៉ាំរ៉ៃ ឬស្មុគស្មាញ

ជំនួយមានសម្រាប់សមាជិកដែលមានជំងឺហឺត ជំងឺបេះដូង ជំងឺខ្សោយបេះដូង ជំងឺស្ទះសួតរ៉ាំរ៉ៃ និងជំងឺទឹកនោមផ្អែម។ យើងក៏អាចជួយអ្នកគ្រប់គ្រងស្ថានភាពសុខភាពផ្នែកវេជ្ជសាស្រ្ត និង/ឬអាកប្បកិរិយាស្មុគស្មាញផងដែរ។
គិលានុបដ្ឋាយិកា និងបុគ្គលិកសង្គមកិច្ចរបស់យើង​នឹង​ធ្វើការ​ជា​មួយ​អ្នក ដើម្បីជួយអ្នកគ្រប់គ្រងបញ្ហា​ប្រឈមនៃ​ស្ថានភាព​សុខភាព​របស់​អ្នក​។ ពួកគេនឹង៖

  • ជួយអ្នកឈ្វេងយល់បន្ថែមអំពីស្ថានភាពរបស់អ្នក
  • ផ្តល់ឱ្យអ្នកនូវព័ត៌មានអំពីធនធាននៅលើអ៊ីនធឺណិត និង​កម្មវិធី​ក្នុងស្រុក
  • ផ្តល់ជូនអ្នកនូវសម្ភារៈអប់រំអំពីការរស់នៅបានល្អជាមួយស្ថានភាព​របស់អ្នក
  • រៀបចំឧបករណ៍ប្រសិនបើអ្នកត្រូវការវា
  • ជួយអ្នកស្វែងរកអ្នកឯកទេសដើម្បីគ្រប់គ្រងការថែទាំស្មុគស្មាញ​របស់អ្នក
  • ធ្វើការជាមួយអ្នកផ្តល់សេវាសុខភាពផ្នែកវេជ្ជសាស្រ្ត និង​អាកប្បកិរិយារបស់អ្នក ដើម្បីបង្កើត និង​អនុវត្តគម្រោង​ដើម្បី​សម្រេច​គោលដៅសុខភាពផ្ទាល់ខ្លួនរបស់អ្នក

ឈ្វេងយល់បន្ថែម

ដើម្បីឈ្វេងយល់បន្ថែមអំពីកម្មវិធីរបស់យើង និង​របៀប​ដែល​លោកអ្នកអាចចូលរួមបាន សូមទូរសព្ទមកយើងតាមរយៈ 1-508-799-2100, លេខបន្ថែម 78002 ពីថ្ងៃចន្ទដល់សុក្រ ពីម៉ោង 8:30 ព្រឹកដល់ម៉ោង 5:00 រសៀល 

 

H8928_260010KH_C {HPMS Status MMDDYYYY}
ព័ត៌មាននៅលើទំព័រនេះត្រូវបានធ្វើបច្ចុប្បន្នភាពចុងក្រោយនៅ 10/1/2025.